Edición xeral
A responsabilidade de FMI e BM na pobreza mundial
‘Dende o axuste estructural á reducción da pobreza, ¿que hai de novo?’. Así titula a Conferencia das Nacións Unidas para o Comercio e o Desenvolvemento o seu último informe. No documento, sublíñase que hai que dar medios para subsistir e non axudas de emerxencia que convirtan os países pobres en asistidos permanentes. En crítica directa ao Fondo Monetario Internacional, FMI e ao Banco Mundial, piden medios para unha vida sostible no canto de cartos a devolver con intereses.
Faise eco o organismo do neoliberalismo que goberna as políticas de FMI e BM e advirte que o desenvolvemento vai en aumento coas estratexias actuais. A análise despréndese dun detallado informe onde propoñen máis dun cento de medidas a aplicar para rematar coa pobreza do África subsahariana.
Crecemento sostido non é caridade, avisan, ao tempo que se promoven programas asistenciais habería que trazar estradas, contruír infraestructuras, redes de electricidade, alcantarillado, auga quente,... Lembran que os datos da ONU subliñan o aumento da pobreza nos últimos 30 anos e como nese proceso tiveron moito que ver as ‘recomendacións’ do FMI, e como a débeda externa se reduce moito máis lentamente a cada paso.
Víctimas do Sida, víctimas de asolagamentos, de malaria, tuberculose, fame, secas, guerras,... “A este paso non acabaremos coa pobreza, pero cos pobres si”...
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto