Vieiros

Segundo vén de publicar IBLNews, os provedores de acceso a internet que operan no Estados están a ser obrigados por lei a bloquear a consulta das webs e servicios de correo con estes dominios: batasuna.org, euskal-herritarrok.org e batasuna-barakaldo.org. Algúns xa o cumpriron (os máis grandes, como Terra, ou Ya.com ou Wanadoo.com), pero algúns dos máis pequenos aínda non. Pero as formas de evitar esta blocaxe non fan máis ca medrar. O outro día falabámoslle de entrar desde aquí a través do servicio Anonymizer, e hoxe atopamos outro xeito novo: Batasuna.tk. Tamén un alemán protesta contra esta prohibición mercando o dominio teutón: Batasuna.de, web na que se pode ler soamente: "Pola liberdade de expresión e pensamento. Non ao delicto de opinión".