Vieiros

O Goberno nixeriano vén de declarar "inconstitucional" a aplicación da Xaria, ou lei islámica, que se implantou nos dous últimos anos en 12 dos 19 estados do norte do país, onde a poboación musulmana é maioritaria. Esta lei foi a que condenou a morte por lapidación a Safiya Husseini logo de ser acusada de adulterio. Segundo a carta enviada polo minsitro de Xustiza nixeriano aos gobernos locais, "a Xaria viola os compromisos nixerianos respecto aos dereitos humanos e á non discriminación en función da relixión ou do sexo". Suponse que esta reacción do goberno de Lagos responde á presión internacional solicitando o perdón de Safiya. Poden obter máis información no xornal nixeriano The Guardian.