Vieiros

O Goberno Aznar vén de anunciar que non vai aprobar o proxecto de Lei de Sinatura Electrónica antes de xullo ou agosto, xa que ata entón ten que someter o actual Borrador do Anteproxecto a numerosos informes, entre eles o do Consello de Estado, e tamén o da Comisión Europea. O Executivo español entende esta lei como complementaria á LSSI no seu particular intento por impulsar a sociedade da información e, en concreto, para acelerar o desenvolvemento do comercio electrónico e da Administración electrónica. O Goberno fixo público o texto do borrador para sometelo a consulta, así que pedímoslle ao bufete de avogados Pintos & Salgado, especialistas en novas tecnoloxías e Internet, que nos analizara o texto inicial da Lei. Neste artigo podedes ler as eivas legais que, segundo eles, ten este anteproxecto.