Vieiros

Perfecto Rodríguez Muiños, concelleiro do grupo de goberno, recoñeceu que "este era o proxecto estrela do concello para o presente ano pero a Igrexa truncou as nosas esperanzas de levalo a cabo ó negarse á cesión deste inmoble que na actualidade está prácticamente en ruinas". Este era o principal proxecto que tiña previsto presentar o concello de Pontecaldelas para solicitar á Consellería de Familia, Promoción de Emprego, Muller e Xuventude a concesión dunha escola obradoiro que contaría con 50 alumnos aproximadamente nos módulos de albanelería, carpintería, medio ambiente e cantería. O concello ubicaría a escola obradoiro no local situado na parte de arriba do garaxe municipal, xa que conta cunha superficie adecuada para elo. A Igrexa baseou a súa resposta negativa ás peticións do Concello de Pontecaldelas en que "tiñan a idea de destinar ese inmoble como vivenda de varios sacerdotes da zona", segundo suliñou Rodríguez Muiños. A pesar deste contratempo, o alcalde e o seu grupo de goberno están a traballar xa noutros proxectos para non renunciar á escola obradoiro. Entre eles destaca o de acondiciona-la praia fluvial de A Calzada. Aínda que non está elaborado o proxecto definitivo, o goberno local pretende a construcción de varias pontes e pasos elevados sobre o río Verdugo, acondicionamento dun lugar con mesas e sillas de pedra e a habilitación dun parque infantil entre outras melloras na zona. O único problema para levar a cabo este proxecto é o das crecidas do río, que durante o inverno destroza todo o que atopa ó seu paso, polo que había que artellar un mecanismo para evitalas. Outros proxectos previstos son; o acondicionamento da aárea recreativa de Tourón e a sinalización da zona dos petroglifos.