Vieiros

Amigos de la Tierra publicou un informe onde se sinalan as irregularidades no proceso de aprobación do millo T25 de Aventis. O informe está disponíbel neste enderezo.

Segundo Amigos de la Tierra, "os estudios científicos presentados por Aventis á Comisión Europea para probar a súa seguridade son dun nivel moi baixo" e non se fixo ningún estudio sobre os posíbeis efectos da liberación deste millo no ambiente. Por outra banda, "o único experimento científico sobre os impactos dos grans de millo T25 como base da alimentación en animais foron levados a cabo sobre polos, cando se pretende que este millo entre nos pensos do gando bovino".

"Amigos de la Tierra pide á Unión Europea a revogación das autorizacións de cultivo, comercialización e utilización na alimentación, tanto animal como humana, do millo T25 e ao goberno español que rexeite a petición de inscrición do millo T25 no Rexistro de variedades comerciais, o que permitiría o seu cultivo en España".