Vieiros

O director da investigación, John Obricky, acha que a mortalidade das bolboretas monarca na natureza dependerá de se coincide a existencia de larvas coa época de maior propagación do pole e que se verán prexudicadas as situadas até a 10 metros de distancia do límite dos cultivos.Val Giddins, vicepresidente da Organización da Industria da Biotecnoloxía, recoñeceu que o risco potencial do millo Bt “aínda non está totalmente avaliado”. Porén, o 20% das plantacións de millo realizadas nos EEUU durante este ano utilizaron esta variedade da empresa Novartis modificada xeneticamente.

Por outra banda, o goberno do Estado brasileiro de Rio Grande do Sul (RS) declarou ilegais todos os cultivos transxénicos carentes dun estudo ambiental previo e destruiu ou clausurou todos os campos experimentais de cultivos transxénicos. Posteriormente, o congreso estatal declarou RS zona libre de transxénicos. RS amósase novamente como un Estado progresista. RS foi pioneiro no ecoloxismo latinoamericano e é o berce do Movimento dos Trabalhadores Rurais sem Terra (MST). Na capital do Estado, Porto Alegre, desenvólvese desde hai varios anos unha avanzada experiencia de democracia participativa na xestión municipal.